«Արևմուտքը նույնքան բազմազան է, որքան արևելքը. Ռուսաստանն էլ է քաղաքակրթորեն «արևմուտք»». Գեմաֆին Գասպարյան

Աշխատանքի և սոցիալական հարցերի նախարարի նախկին տեղակալ Գեմաֆին Գասպարյանը ֆեյսբուքյան իր էջում գրում է․ «Աշխատանքային առավոտ մի բառի մասին եմ ուզում խոսել՝ արևմտամետ։
Ինձ հետաքրքիր ա, «արևմտամետ» բառը որպես տափակ ածական օգտագործող մարդիկ արդյո՞ք նկատի ունեն, որ ում ասում են այդ մարդը հայ հունաբանների դպրոցի շարունակողն է՝ ասենք Խորենացու, կամ գուցե նկատի ունեն, որ ֆրանսիական հեղափոխության գաղափարներից ազդված Խաչատուր Աբովյանի կամ Միքայել Նալբանդյանի հետևո՞րդն է, կարող է նկատի ունեն քրիստոնեական մշակույթի կրող է, բա ի՞նչ են մտածում էդ բառն որպես պիտակ-ածական կիրառելիս, գուցե ուղղակի գավառական, պերիֆերիկ մտայնությունների մարմնացում են էդ մարդիկ, կարծրատիպերի կծի՞կ, թե ուղղակի «գորձ» են անում։
Արևմուտքն նույնքան բազմազան է, որքան արևելքը, ու հա, ռուսաստանն էլ ա քաղաքակրթորեն «արևմուտք», համենայն դեպս դեռևս»: