Ուրբաթ, 14 օգոստոսի, 2026 թ.
|
Ստեփանակերտում`   +23 °C

««Կլորացված գինը» գրեթե միշտ աշխատում է սպառողի դեմ». Վահե Դավթյան

««Կլորացված գինը» գրեթե միշտ աշխատում է սպառողի դեմ». Վահե Դավթյան
855
Հինգշաբթի, 09 ապրիլի, 2026 թ., 09:06

Էներգետիկ անվտանգության փորձագետ Վահե Դավթյանի ֆեյսբուքյան գրառումը․ «Հայաստանում 90-ականներին լումայի անհետացումը ներկայացվեց որպես տեխնիկական մանրուք։ Իրականում դա քաղաքական որոշում էր՝ լուռ ընդունում, որ ինֆլյացիան կոտրել է արժեքի չափման հիմքը։
Այսօր, երբ կրկին խոսվում է տնտեսական զարգացման մասին, արժե տալ մի պարզ հարց․ ինչո՞ւ ենք մենք ապրում առանց մանրի։
Լումայի բացակայությունը ոչ միայն պարզեցնում է հաշվարկը։ Այն նաև լեգիտիմացնում է «կլորացված» գները։
Իսկ «կլորացված գինը» գրեթե միշտ աշխատում է սպառողի դեմ։
Սա մանր հարց չէ։ Սա ամենօրյա միկրոգնաճ է, որը ոչ ոք չի հաշվարկում, բայց բոլորը վճարում են։
Ուստի հարցը շատ ավելի խորն է՝ պետությունը պաշտպանո՞ւմ է արժեքի ճշգրտությունը, թե՞ հաշտվել է դրա խեղաթյուրումների հետ։
Առաջիկա ընտրություններին գնացող ուժերի համար սա պարզ թեստ է․ կտեսնե՞ն այս խնդիրը, թե՞ կշարունակեն խոսել միայն մեծ թվերով՝ անտեսելով փոքր, բայց իրական կորուստները»:

Աղբյուրը`   Վահե Դավթյան

Կարդացե՛ք նաև