«Զելենսկուն Հայաստան բերելով՝ Նիկոլը կարծես պատերազմ է հրահրում»․ Արշակ Սարգսյան

Երևանի ավագանու «Մայր Հայաստան» խմբակցության անդամ Արշակ Սարգսյանը ֆեյսբուքյան եթերում անդրադառնալով Երևանում տեղի ունեցած Եվրոպական համայնքների 8-րդ գագաթնաժողովի շրջանակում Ուկրաինայի նախագահի Հայաստան այցին, մասնավորապես ասել է․ «Նիկոլ Փաշինյանը հոխորտում էր, որ եթե Արցախի անունը տաք՝ պատերազմ կլինի, բայց ինքը բերում է Զելենսկուն, այսինքն՝ պատերազմ է հրահրում Ռուսաստանի դեմ։ Նիկոլն ասում էր՝ սեպտեմբերին պատերազմ է լինելու, այդ ո՞ւմ հետ է պատերազմ լինելու, այսինքն Նիկոլը տանում է պատերազմի Ռուսատանի հե՞տ, հա՞, դա՞ է ուզում ասած լինել։

Իսկ ի՞նչ էին համալիրում անում այդ մարդիկ փակ դռների հետևում, ի՞նչ էին ծրագրում՝ հակառուսական պրոցեսնե՞ր, այս աշխարհաքաղաքական վատ պայմաններում Հայաստանը ներքաշելով պատերամի մե՞ջ»։