Հանտավիրուսով վարակված ուղևորներ տեղափոխող նավը ժամանել է Կանարյան կղզիներ

Իսպանական RTVE հեռարձակող ընկերության տվյալներով՝ հոլանդական MV Hondius զբոսանավը, որը տուժել էր հանտավիրուսի բռնկումից, ժամանել է Կանարյան կղզիների մաս կազմող Տեներիֆեի ափեր։
Իսպանական առողջապահության նախարարության տվյալներով՝ նավը պետք է ժամաներ հարավային Տեներիֆեի նավահանգիստ Ուղևորների և անձնակազմի որոշ անդամների տարհանումն սկսվել է այն բանից հետո, երբ նավը խարիսխ է գցել Գրանադիլյա նավահանգստում ժամը 6:30-ին։
Նավից մարդիկ ափ են դուրս բերվում բնակելի տարածքներից հեռու։ Նրանց տեղափոխում են փակ, պահպանվող մեքենաներով՝ հատուկ միջանցքով։ Այնուհետև նրանք կվերադառնան իրենց հայրենի երկրներ։ Իսպանիայի ներքին գործերի նախարար Ֆեռնանդո Գրանդե-Մարլասկան հայտարարել է, որ Բելգիան, Ֆրանսիան, Գերմանիան, Իռլանդիան և Նիդերլանդները ինքնաթիռներ կուղարկեն իրենց քաղաքացիներին տարհանելու համար։ Տարհանման ավարտից հետո նավը կախտահանվի։
Արգենտինայից Կաբո Վերդե ուղևորվող նավի վրա տեղի է ունեցել մահացու հանտավիրուսի բռնկում։ Հաստատվել է ութ դեպք, 3-ը մահացել են, իսկ մեկը գտնվում է հիվանդանոցում ծանր վիճակում։ Վարակի տարածումը կանխելու համար ուղևորներին հրամայվել է մնալ իրենց խցիկներում։ Վիրուսի ինկուբացիոն շրջանը կարող է տևել մի քանի շաբաթ, ինչը դժվարացնում է նոր դեպքերի արագ հայտնաբերումը։
Հանտավիրուսները վիրուսների տեսակ են, որոնք մարդկանց փոխանցվում են կրծողների հետ շփման միջոցով։ Դրանք կարող են առաջացնել երիկամային համախտանիշով հեմոռագիկ տենդ (HFRS) և հանտավիրուսային թոքային համախտանիշ։

«Ինչո՞ւ դեղատներում չկան այն դեղերը, որ ամենավատ հիվանդությունների դեպքում մարդիկ իրենց կոտորելով ձեռք են բերում»․ Հարություն Հարությունյան
49116.11.2026, 12:24
«Ավաղ, դեռ շարունակվում է յոդով վանդակների, կարագի, քացախով նասկիների կիրառումը». Արմեն Օհանյան (տեսանյութ)
76813.11.2026, 13:12
«Պետք է վստահ լինել, որ բժշկական գործիքներն անցել են պատշաճ ախտահանում և մանրէազերծում»․ Անուշ Պողոսյան (լուսանկար)
91311.11.2026, 00:42
«Փակվում են տուբերկուլոզի կաբինետները»․ Անուշ Պողոսյան (լուսանկար)
96509.11.2026, 23:36
PJ.2.1-ը ներկայում շրջանառվող COVID-19-ի հարուցիչներից է․ ՀՎԿԱԿ
94809.11.2026, 22:42
«Մի վիրավորեք բժշկական հանրույթի ինտելեկտը». Անուշ Պողոսյան
113506.11.2026, 01:06
«8,785 ՄԱՀ. իսկ ո՞վ գնահատեց COVID-19-ի դեմ Հայաստանի պայքարի արդյունավետությունը». Անուշ Պողոսյան
118305.11.2026, 01:06
Ծերության հոտը գոյություն ունի. գիտնականները բացատրել են, թե ինչու է այն առաջանում և ինչպես խուսափել
272904.11.2026, 23:31