«Անկախ դիտորդ»-ն «Ուժեղ Հայաստան»-ի դեմ հայցադիմում է պատրաստում

ԻՔՄ ՀԿ համակարգող Դանիել Իոաննիսյանի ֆեյսբուքյան գրառումը. ««Ուժեղ Հայաստան» կուսակցությունը՝ որպես սոցհարցման արդյունքներ, հրապարակել է մի պատկեր (նկար), որը առերևույթ խախտում է Ընտրական օրենսգրքի 22-րդ հոդվածի 2–րդ մասով ամրագրված պահանջները։
«Անկախ դիտորդ» դաշինքն այժմ «Ուժեղ Հայաստան» կուսակցությանը վարչական պատասխանատվության ենթարկելու մասին հայցադիմում է պատրաստում։
Դատարանին խնդրելու եք ՎԻՎ օրենսգրքի 40.9 հոդվածի 1–ին մասով տուգանել նշված կուսակցությանը։
Ընտրական օրենսգիրքը հստակ կանոններ ունի սոցհարցումների հրապարակման մասին և բոլոր դերակատարներին հորդորում ենք հարգել դրանք։
Սոցհարցումներին բարեվարքությունը շատ կարևոր է, քանի որ ռացիոնալ ընտրության տեսության սահմաններում դա ընտրողների կամքի ձևավորման վրա ազդող էական հանգամանք է»։