Ուրբաթ, 14 օգոստոսի, 2026 թ.
|
Ստեփանակերտում`   +19 °C

«Սա պարզապես տնտեսական անկում չէ, սա գիտակցված ինքնասպանություն է»․ Արթուր Խաչիկյան

«Սա պարզապես տնտեսական անկում չէ, սա գիտակցված ինքնասպանություն է»․ Արթուր Խաչիկյան
358
Հինգշաբթի, 04 հունիսի, 2026 թ., 00:36

Քաղաքագիտության դոկտոր Արթուր Խաչիկյանի ֆեյսբուքյան գրառումը՝ կից տեսանյութով․ «Մեզ ամեն օր հեքիաթներ են պատմում այն մասին, թե ինչպես ենք մենք «գնում Եվրոպա», որտեղ մեր ապրանքներին սպասում են գրկաբաց: Բայց ի՞նչ է թաքնված այս գեղեցիկ լոզունգների տակ։ Իրականությունն այն է, որ իշխանությունների վարած քաղաքականության հետևանքով Ռուսաստանը փակում է իր շուկան, իսկ մենք կորցնում ենք մի տեղ, ուր արտահանվում է մեր գյուղմթերքի, կոնյակի ու մրգի 90 տոկոսը։ Սա պարզապես տնտեսական անկում չէ. սա գիտակցված ինքնասպանություն է մեր գյուղացու և ֆերմերի համար։
Այս տեսանյութում ես պարզ օրինակով ցույց եմ տալիս, թե ինչ է սպասվում Հայաստանին Եվրոպայում։ Տեսեք, թե ինչպես են Ֆրանսիայի, Լեհաստանի և Ռումինիայի ֆերմերները տրակտորներով փակում փողոցները, աղբանոցը նետում ուկրաինական էժան գյուղմթերքը և պահանջում փակել իրենց սահմանները։ Եվրոպացիները պաշտպանում են սեփական արտադրողին ու թույլ չեն տալիս, որ օտար ապրանքը սնանկացնի իրենց տնտեսությունը: Արդյո՞ք որևէ մեկը միամտաբար կարծում է, որ մեզ այնտեղ ընդունելու են որպես բացառություն։
Եվ ամենազավեշտալին այն է, որ երբ մարդիկ փորձում են բարձրաձայնել այս վտանգների մասին կամ պայքարել սեփական երկրի կործանման դեմ, իշխանական քարոզչամեքենան նրանց անմիջապես պիտակավորում է որպես «Ռուսաստանի ագենտ»։ Եթե հետևենք նրանց տրամաբանությանը, ապա Եվրոպայում բողոքող տասնյակ հազարավոր ֆերմերներն ու անգամ նրանց կովերը նույնպես «ռուսի ագենտներ» են:
Նայում ենք փաստերին և հասկանում, թե իրականում ուր են տանում մեր երկիրը»:

Աղբյուրը`   Արթուր Խաչիկյան

Կարդացե՛ք նաև