«Փաշինյանը փորձում է այս մարդուն ապօրինի կալանավորելով ու հյուծման հասցնելով «լուծե՞լ» հարցը»․ Տաթևիկ Հայրապետյան

Ադրբեջանագետ Տաթևիկ Հայրապետյանը ֆեյսբուքյան էջում գրել է․ «Այսօր լրանում է Արթուր Օսիպյանի հացադուլի 16-րդ օրը։ Նա կալանավորված է Նիկոլ Փաշինյանին ընդամենը անհարմար հարց տալու համար։ Դրան ի պատասխան՝ Փաշինյանն ասել էր՝ «բա դու ինչի՞ չես զոհվել, այ համբալ» արտահայտությունը։
Հիմա ուզում եմ հասկանալ՝ քանի որ Փաշինյանի բախտը չի բերել, ու Օսիպյանը չի զոհվել, արդյո՞ք նա փորձում է այս մարդուն ապօրինի կալանավորելով ու նրան հյուծման հասցնելով «լուծել» այս հարցը։ Չէ՞ որ իրենք Ալիևի հետ սովորաբար հայերի հետ կապված հարցերն այսպես են լուծում․․․
Սա ինչ անմարդկային պահվածք է, սա ինչ հայատյացության աստիճան է։ Քի՞չ էր ձեզ, որ քարոզարշավի ժամանակ պաստառ պոկելու համար մարդուն ինքնասպանության հասցրեցիք, առհասարակ կառավարման ընթացքում եղած մահերն ու կորուստները քի՞չ են․․․
Կոպիտ եմ գրել, բայց ես կարծում եմ՝ մեղմ բառերի ժամանակը վաղուց անցել է։ Ազատ արձակե՛ք Արթուր Օսիպյանին, քանի դեռ այդ մարդու առողջությանը մեծ վնաս չեք տվել։ Առանց այն էլ, իրեն զրկել եք իր տնից ու հայրենիքից»։