ԱԱԾ-ն միլիոնավոր դրամներ է ծախսել ավտոպահեստամասերի ձեռքբերման համար, այդ թվում՝ թուրքական արտադրության

ՀՀ ԱԱԾ-ն 4 միլիոն 571 հազար 680 դրամի պայմանագրեր է կնքել ավտոպահեստամասերի ձեռքբերման նպատակով։ Այս մասին «Փաստինֆո»-ն տեղեկացել է պաշտոնական բաց աղբյուրներում հրապարակված տվյալներից։

Ավտոպահեստամասերի ձեռքբերման համար կնքվել է 5 պայմանագիր՝ «ԱՁ Սարուխան Բրուտյան Մուշեղի», «Արտեմ Բալդրյան ԱՁ»-ի, «ԱՁ Տիգրան Մամիկոնյան»-ի և «ՄՈԴԱՓ» ՍՊԸ-ի հետ։ Տեղեկացվում է, որ պայմանագրերը կնքվել են էլեկտրոնային աճուրդի եղանակով։

Ձեռք բերված ավտոպահեստամասերը հիմնականում Չինաստանից, ՌԴ-ից, Գերմանիայից և Թուրքիայից են։ Պայմանագրերում նշված է, որ պահեստամասերը պետք է լինեն չօգտագործված՝ նոր վիճակում։

Նշվում է նաև, որ ավտոպահեստամասերի տեսականին բազմազան է՝ ներառյալ ռելեներ, առանցքակալներ, «Սադկո-33081» (դիզելային) ավտոմեքենայի համար նախատեսված մասեր, ջրի մղիչներ, հալոգենային լամպեր, ապակեմաքրիչի խոզանակներ և այլն։