«Պատերազմ անցած տղան չի կարող խուսափել հավաքներից»․ Անդրանիկ Քոչարյանը՝ որդու մասին

«Մամուլը գրում է, որ ձեր որդուն կանչել են վարժական հավաքի, և պարզվել է, որ ենթակա չէ կանչվելու»,- ճեպազրույցի ժամանակ լրագրողը դիմեց ՔՊ-ական պատգամավոր Անդրանիկ Քոչարյանին։
«Խոսքը Վազգենի մասին է, իմ որդին պատերազմ անցած է, նա 44-օրյա պատերազմին մինչև վերջին օրը մասնակցած հայորդի է, հիմա ես հպարտանում եմ։ Ինչ ասես՝ կարան գրեն, բայց պարզ է, չէ՞, որ պատերազմ անցած տղան չի կարող խուսափել հավաքներից։ Իսկ դրանից առաջ գնում է բուժզննության. ամիսներ առաջ նա շատ ծանր վիրահատություն էր տարել։ Երբ պաշտպանական գերատեսչության հաջորդ առաջարկը կլինի, կանցնի բուժզննություն, և եթե ամեն ինչ նորմալ լինի, կգնա հավաքներին»,- պատասխանեց Քոչարյանը։