«ՀՀ-ում բոլոր պետական ինստիտուտները դարձել են քաղաքական հաշվեհարդարի գործիքներ»․ Սուրեն Սուրենյանց

«ՀՀ-ում հաստատված է ավտորիտարիզմ․․․ Բոլոր պետական ինստիտուտները դարձել են քաղաքական հաշվեհարդարի գործիքներ»,- «24Նյուզ»-ի հետ զրույցում այս տեսակետը հայտնեց «Բարգավաճ Հայաստան» կուսակցության պատգամավորության թեկնածու, քաղաքագետ Սուրեն Սուրենյանցը՝ անդրադառնալով ՍԴ-ի այսօր կայացրած որոշմանը։

«Ընտրություններն ավարտվել են, բայց իշխանության ճգնաժամը չի վերջացել, դրա արտացոլումն է Փաշինյանի ջղաձիգ վարքագիծը. «կուլակաթափ անել, բռնել, նստացնել» խոսույթը շարունակվում է, արտաքին միջավայրում ևս խորանում է ճգնաժամը․․․ Այս ճգնաժամը գնալով խորանալու է․․․ Հասունացնել փողոցային պայքար, արդյունավետ այլ գործիքակազմ կիրառել․ եթե այս ուղիով գնանք, մեկ -մեկուկես տարի հետո հնարավոր են նոր ընտրություններ կամ իշխանությանը պարտադրել հեռանալ»,- նշեց Սուրենյանցը։