Ծաղիկ արտահանողներին սպառնացել են․ «Հրապարակ»

«Հրապարակ»-ը գրում է․ «Ծաղիկ աճեցնող ջերմոցատերերից մեկը մեզ պատմեց, որ իշխանական օղակներից սպառնալիքներ են ստացել: Իրենց ասվել է՝ եթե դժգոհեք, հրապարակավ ելույթներ ունենաք, հարցազրույցներ տաք և պատմեք, որ եվրոպական շուկան չի փոխարինում ռուսական շուկային, ծաղիկ վաճառելը մեծ գլխացավանք է դարձել, ապա եվրոպական շուկայի դռները ձեզ համար՝ որպես պատիժ, ընդմիշտ կփակվեն։
Սա է նաև պատճառը, որ որոշ ջերմոցատերեր ստում են՝ ասելով, թե կարողացել են ծաղիկն արտահանել Եվրոպա, ամեն ինչ լավ է։ Նման բան ասողները, սակայն, չեն նշում, թե խոսքն ինչ քանակի ծաղկի մասին է, քանի որ իրականում որեւէ խոշոր արտահանում դեռ տեղի չի ունեցել՝ ընդամենը փորձանմուշներ են ուղարկվել մի քանի երկիր:

զրուցակիցը նաև ասաց, որ տեւական ժամանակ հույսով սպասել են, որ ծաղիկն արտահանելու են ԵՄ շուկա, սակայն արդեն իրենց համբերության բաժակը լցվել է, և լռել չեն պատրաստվում, քանի որ հասկացել են՝ իրենց խաբում են»։

Մանրամասները՝ թերթի համարում։