«Տպավորություն է՝ իրենք էլ չգիտեն՝ ինչ են անում»․ ձկնաբույծ

«3-րդ ամիսն է՝ մենք ֆինանսական ճգնաժամի առաջ ենք կանգնած ու միայն խոսքեր ենք լսում: Հենց տեսնում են, որ հեսա պետք է մարդիկ հելնեն, բողոքեն, ասում են՝ հանդիպենք, խոսենք։ Խոսում ենք, մի շաբաթ ձգում ենք ու նույնը․ իմ մոտ այնպիսի տպավորություն է, որ իրենք էլ չգիտեն՝ ինչ են անում. էս մարդիկ ոչ գիտեն մեկ շաբաթից ինչ է լինելու, ոչ գիտեն՝ մի տարուց ինչ է լինելու»,- Կառավարության դիմաց բողոքի ակցիայի ժամանակ ասաց ձկնաբույծներից մեկը։
«Մենք հարցի լուծում ենք պահանջում. կարող ենք այստեղ մեկ ամիս էլ մնալ, վրաններ էլ կբերենք»,- հավելեց նա:

Հիշեցնենք՝ հավաքվածները կառավարությունից պահանջում են գործնական քայլեր ձեռնարկել՝ իրենց ապրանքն արտաքին շուկայում իրացնելու համար, քանի որ տեղական շուկայում ամբողջը սպառել չեն կարողանում։