«Անգամ ՌԴ-ում էինք զոռով մրցակցում, ԵՄ-ում ո՞նց է սպառվելու մեր ապրանքը»․ ձկնաբույծ

«Երեկ մեր նախարարը հանդիպում է ունեցել մեկ տնտեսվարողի հետ, որը ոլորտի չի ներկայացնում, նա իր տնտեսության ղեկավարն է և եթե իր մասով գոհունակություն է հայտնել, շատ ուրախ ենք։ Բայց այստեղ հավաքվածները ոլորտն իրական ներկայացնողներն են ու եկել են հարցերի պատասխանը ստանալու. ինչպե՞ս է հարցը լուծված, եթե բոլորս խնդիրների մեջ ենք»,- Կառավարության դիմաց բողոքի ակցիայի ժամանակ ասաց ձկնաբույծներից մեկը։
«Մեր մթերքը եվրոպական շուկա արտահանելու հարցը նոր չէ, մենք բազմիցս ենք քննարկել։ Մենք եվրոպական շուկայի համար մրցունակ չենք, մենք 14 հազար տոննա արտադրանք ենք տանում Ռուսաստան, Հայաստանն էլ ինքնաբավ պահում ենք։ Մենք անգամ Ռուսաստանում էինք զոռով մրցակցում եվրոպական երկրների արտադրանքի հետ, էսօր կարա՞նք տանենք ԵՄ ու իրենց տան մեջ մրցակցենք, ո՞նց եք պատկերացնում»,- նշեց նա։