«Կա տեղեկություն, որ մարդիկ իրենց բիզնեսները փորձում են հանել ՀՀ-ից»․ Արման Աբովյան

«Տնտեսության հիմնասյուներից մեկը, որը ձևավորել և ստեղծել էր Գագիկ Ծառուկյանն իր գործունեությամբ, այսօր փլուզելն ու ոչնչացնելը ո՞ւմ ա ձեռք տալիս։ Իշխանություններն իրենց ճղում են մեջտեղից, որ հեսա ներդրումներ կգան, էս կլինի, էն կլինի։ Այս պայմաններում, համաձայն իմ տվյալների, բազմաթիվ միջին և խոշոր ներդրողներ, ովքեր պատրաստվում էին գումար ներդնել Հայաստանում, պարզապես չեն գալու»,- քննչականի դիմաց, որտեղ հարցաքննվում է ԲՀԿ առաջնորդ Գագիկ Ծառուկյանը, լրագրողների հետ զրույցում հայտնեց ԱԺ նախկին պատգամավոր, ԲՀԿ անդամ Արման Աբովյանը։ «Կա նաև տեղեկություն, որ մարդիկ իրենց բիզնեսները փորձում են հանել Հայաստանից»,- նշեց նա: