Հայաստանը դարձել է վրացական լոլիկի գլխավոր ներմուծողը

2026 թվականի հունվար-հունիս ամիսներին Վրաստանից արտահանվել է 1292 տոննա լոլիկ՝ 1,9 միլիոն դոլար ընդհանուր արժեքով, հայտնում է BM.GE։

Անցյալ տարվա նույն ժամանակահատվածի համեմատ արտահանման արժեքն աճել է 4,5%-ով, թեև արտահանվող արտադրանքի ծավալը նվազել է 3,2%-ով։

Վիճակագրությունը ցույց է տալիս, որ հաշվետու ժամանակահատվածում վրացական լոլիկ է վաճառվել ընդամենը երեք երկրի։ Հիմնական արտահանման շուկան եղել է Հայաստանը, ուր մատակարարվել է 888 տոննա արտադրանք՝ 1,4 միլիոն դոլար արժեքով։ Դրան հաջորդում է Ռուսաստանը՝ 383 տոննա՝ 432 հազար դոլար արժեքով, իսկ Ռումինիա արտահանվել է 20 տոննա լոլիկ՝ 13 հազար դոլար արժեքով։