«Ուզում ենք, որ ԵԱՏՄ-ն լինի ու աշխատի»․ Գևորգ Պապոյան

«ՌԴ նախագահի հետ հեռախոսազրույցից պարզ դարձավ, որ Հայաստանը այդուհանդերձ խնդիր ունի արտահանման հետ և հիմա խնդրո՞ւմ եք, որ սահմանափակումները վերացնեն։ Ինչպե՞ս ստացվեց՝ Եվրոպական երկրների շուկաները չեն բավարարո՞ւմ այլևս»,- լրագրողը հարց ուղղեց Էկոնոմիկայի նախարար Գևորգ Պապոյանին։ «ԵԱՏՄ օրենսդրության համաձայն՝ բոլոր երկները պարտավոր են ապահովել ծառայությունների, ապրանքների, աշխատուժի ազատ տեղաշարժը։ Եթե դա չի ապահովվում, նշանակում է, որ ԵԱՏՄ օրենսդրությունը և ձևավորման սկզբունքները չեն աշխատում։ Մենք ընդամենը որպես ԵԱՏՄ լիարժեք անդամ և երկիր, որ մտահոգված է ԵԱՏՄ ճակատագրով, ուզում ենք, որ ԵԱՏՄ-ն լինի ու աշխատի: Այն ապրանքը, որը ԱՄԷ-ում, Եվրոպական շուկայում, Չինաստանում վաճառվում է, հնարավոր չէ, որ չկարողանա վաճառվել ՌԴ-ում»,- նշեց Պապոյանը։