«Այսօր կնշանակեմ գործարանի կառավարիչ-տնօրեն»․ Պապոյան

«Այսօր կնշանակեմ «Արարատցեմենտ» գործարանի կառավարիչ-տնօրեն, գործարանն ամբողջ ծավալով աշխատում է և կշարունակի բնականոն աշխատանքը։ Կառավարումն ամբողջությամբ անցել է Էկոնոմիկայի նախարարությանը, և տնօրենն էլ նախարարության աշխատակիցն է լինելու»,- հայտարարել է Էկոնոմիկայի նախարար Գևորգ Պապոյանը՝ մեկնաբանելով լրագրողի դիտարկումը, թե Գագիկ Ծառուկյանին պատկանող ձեռնակությունների աշխատակիցներն ակցիա են անում՝ պահանջելով, որ ընկերությունները վերաբացվեն։

«Մյուս հիմնարկների մասով ևս որոշումներ կլինեն։ Հավաստիացնում եմ՝ մենք պակաս շահագրգռված չենք, որ տնտեսական ակտիվներն ամբողջությամբ աշխատեն»,- նշեց պապոյանը։ Կոնյակի, գինու գործարանի հետ կապված էկոնոմիկայի նախարարն ասաց․ «Կարծում ենք՝ խաղողի մթերումների հետ կապված խնդիրներ չեն լինի, գործարանն էլ կաշխատի»։