«Հաղորդում եմ տալիս հնարավոր հանցագործության մասին»․ Նիկոլ Փաշինյան

«Հիշո՞ւմ եք, թե ինչ խոսակցություններ կային, ասում էին, որ ՀԷՑ-ի նախկին սեփականատերերը, կալուգացին արբիտրաժում հաղթել են։ Պարզվեց, որ այս շենքում իրենք մարդ ունեին, այդ մարդուն շենքից դուրս հրավիրեցին։ Բա ասում եք կոռուպցիա, դա կոռուպցիա չի՞, որևէ մեկը հետաքննե՞լ է այդ մարդու գործունեությունը, որ գրություն էր գրել, դրա հիման վրա աղմուկ էր․ ես իրավապահ մարմիններին եմ դիմում․ որևէ մեկը քննե՞լ է։ Հետո գնաց 1 ամսից հայտնվեց «եռագլուխ կուսակցության» պոչում․ որևէ մեկը քննել է՝ սա կոռուպցիա՞ է, էդ ինչ կապեր են գործում»,- ճեպազրույցի ժամանակ հայտարարել է Նիկոլ Փաշինյանը։ «Ես հիմա հրապարակային հաղորդում եմ տալիս հնարավոր հանցագործության մասին․ ոնց կարա պարզվի, որ այս շենքում մասնավոր ընկերության շահերը սպասարկող մարդ ա եղել, հետո գնացել է, պետք ա ստուգեն հաշիվները, ունեցվածքը, տեսնանք էդ մարդը ինչ էր անում»,- հավելեց վարչապետը։

Լիպարիտ Դրմեյանը եղել է վարչապետի աշխատակազմի միջազգային իրավական հարցերով ներկայացուցչի գրասենյակի ղեկավարը, «Միասնության թևեր»-ի նախընտրական ցուցակում էր: