«Օրենքի ընդունումը չի նշանակում, որ Հայաստանն այսօր հնարավորություն ունի դառնալու ԵՄ անդամ»․ Նիկոլ Փաշինյան

2025 թվականին Հայաստանում ԵՄ-ին անդամակցության վերաբերյալ օրենքի ընդունումը չի նշանակում, որ Հայաստանն այսօր հնարավորություն ունի դառնալու Եվրոմիության անդամ։ Այս մասին հայտարարել է վարչապետ Նիկոլ Փաշինյանը՝ Ղրղզստանում ընթացող Եվրասիական միջկառավարական խորհրդի ընդլայնված կազմով նիստին։

«Հայաստանի Հանրապետությունը ի գիտություն է ընդունել ԵԱՏՄ անդամ չորս պետությունների ղեկավարների մայիսի 29-ի հայտարարությունը, որում աջակցություն էր հայտնվել Հայաստանում Եվրոպական միությանն անդամակցելու հարցով հանրաքվե անցկացնելու գաղափարին։ Ինչպես գիտեք, 2025 թվականին Հայաստանում ընդունվել է «Հայաստանի Հանրապետության՝ Եվրոպական միությանն անդամակցելու գործընթացի մեկնարկի մասին» օրենքը։ Նման օրենքի ընդունման ռազմավարական նպատակը մեր երկրի համար այլընտրանք ստեղծելն է։

Մենք հասկանում ենք, որ ԵԱՏՄ-ին և ԵՄ-ին միաժամանակյա անդամակցությունը անհնար է։ Սակայն նշված օրենքի ընդունունման փաստն ինքնին չի նշանակում, որ Հայաստանն այսօր հնարավորություն ունի դառնալու Եվրոմիության անդամ»,- նշել է նա։