«Անշարժ գույքի ոլորտում աշխատող բրոքերները կամ գործակալները կլպում են մարդկանց փողերը»․ Վահան Բաբայան

Ռեֆորմիստների կուսակցության նախագահ Վահան Բաբայանը ֆեյսբուքյան իր էջում գրել է․ «Բրոքերների միջնորդավճարները պետք է օրենքով կարգավորվի և կրճատվի․
Այսօր անշարժ գույքի ոլորտում աշխատող բրոքերները կամ գործակալները կլպում են մարդկանց փողերը՝ ընդամենը մեկ գործարքի համար վերցնելով տվյալ ամսվա վարձի մինիմում 50%-ը:
Երբ ընդամենը մեկ զանգով կամ մեկ այցելությամբ ձեռք է բերվում վարձակալության հանձնվող գույքը, նրանք աշխատում են մանկավարժի կամ բժշկի մեկ ամսվա աշխատավարձը մեկ րոպեում՝ որևէ դժվարություն չկրելով և չունենալով դրա համար ոչ մասնագիտացում, ոչ անցած ճանապարհ, ոչ էլ այնպիսի մատուցած ծառայություն, որ մարդիկ իրոք գոհ լինելով վճարեն այդ գումարը:
Երբ անում եք պրիմիտիվ հաշվարկ, որ տան կամ բնակարանի ամսվա արժեքը կրկնակի պետք է միանգամից կարողանաս վճարել, դրան մի հատ էլ գումարվում է տեղացի գործակալի տոկոսները:
Սոցիալական առումով այս բարձր գների առկայության մեջ սա իրոք մեծ տոկոս է մարդկանց համար և պետությունը պետք է կարգավորի նաև այս շուկան»։