«Ես ի գիտություն եմ ընդունել գործընկերների՝ մայիսի 29-ի հայտարարությունը»․ Նիկոլ Փաշինյան

Ես ի գիտություն եմ ընդունել գործընկերների՝ մայիսի 29-ի հայտարարությունը։ Ես հարգանքով եմ վերաբերվում դրան։ Այս մասին հայտարարել է վարչապետ Նիկոլ Փաշինյանը՝ պատասխանելով ռուսական լրատվամիջոցների ներկայացուցիչների հարցերին։

«Ի դեպ, այստեղ շատ հետաքրքիր նրբություն կա․ գործընկերներն աջակցում են Հայաստանի Հանրապետությունում՝ Եվրոմիությանն անդամակցության հարցով հանրաքվե անցկացնելու գաղափարին։ Ես շատ բարձր եմ գնահատում նման դիրքորոշումը։

Ես արդեն ասել եմ, որ հանրաքվե, իհարկե, կլինի։ Բայց միայն այն բանից հետո, երբ Հայաստանը պաշտոնապես դիմի Եվրոմիությանը՝ ԵՄ-ին անդամակցելու հարցով, անհրաժեշտ է ինստիտուցիոնալ աշխատանք իրականացնել։

Այսօր հանրաքվե անցկացնել հնարավոր չէ։ Որովհետև այդ հանրաքվեի առարկան գոյություն չունի»,- նշել է նա։