«Ո՞նց անենք, որ մեր գյուղաբնակը հողին կառչած մնա»․ Տիգրան Դավուդյան

Իրանագետ Տիգրան Դավուդյանը ֆեյսբուքյան իր էջում գրել է․ «Ո՞նց անենք, որ մեր գյուղաբնակը հողին կառչած մնա։ Գյուղատնտեսական լքված հողեր կան անգամ Արարատյան դաշտի նման բերրի տարածքներում։ Այդ գյուղերի որոշ բնակիչներ նախընտրում են քաղաքում շինարար-բանվոր աշխատել, բայց հող չմշակել։ Պատճառները բազում են. ջրի խնդիր, բերքի պահանջարկ, էժան գներ, արտագաղթ։ Գյուղերում կան հողամասեր, որոնց տերերը կամ վարձակալները երկրից մեկնել են և հողն անմշակ է մնացել։ Կան նաև հողատերեր, որոնք իրենց հողը չեն մշակում և նախընտրում են վարձակալության տալ, բայց վարձակալ չկա»։