«Ամեն խոսքից հետո սադրիչ քոմենթ են անում». Դավիթ Ղազինյանը՝ միջադեպի մասին

«Ընդդիմության յուրաքանչյուր խոսքից հետո քոմենթ են անում, ամեն խոսքից հետո՝ ելույթ ունենում»,- անդրադառնալով ԱԺ դահլիճում տեղի ունեցած միջադեպին՝ ասաց ընդդիմադիր Դավիթ Ղազինյանը: «ԱԺ կանոնակարգ օրենքում չկա էդպիսի բան, բայց իրենք ամեն խոսքից հետո քոմենթ են անում, ընդ որում՝ սադրիչ: Էդքան էլ հորդորեցի՝ քոմենթ չանել»,- հավելեց նա:

Հիշեցնենք՝ ԱԺ-ում իրավիճակը լարվել էր: Երբ ընդդիմադիր Արեգա Հովսեփյանի եզրափակիչ ելույթից հետո ՔՊ-ական փոխխոսնակ Վահագն Ալեքսանյանը սկսեց արձագանքել, դահլիճից հնչեցին քննադատություններ: Փոխխոսնակը ընդդիմադիր Դավիթ Ղազինյանին նկատողություն հայտարարեց՝ հորդորելով տեղից չխոսել: Նրա նկատմամբ կիրառվեց կարգապահական պատասխանատվություն՝ հեռացում դահլիճից: Նիստերի դահլիճ մտան անվտանգության աշխատակիցները: