«Սրանց նպատակն առաջին հերթին ժողովրդին արմատներից պոկելն է»․ Հակոբ Ասլանյան

«ԱԺ ամբիոն ամենաքիչ բարձրացած պատգամավորներից մեկը ես էի, ես չէի կարող բարձրանալ ամբիոն և ցեխ շպրտել՝ ամբիոնը վերածելով «բեսեդկայի»»,- «24Նյուզ»-ի հետ զզրույցում այս մասին նշեց ՄԱՍԿ կուսակցության փոխնախագահ, նախկին պատգամավոր Հակոբ Ասլանյանը։

«ԱԺ ամբիոնը վերածվել է «բեսեդկայի», քաղաքական գործիչը միայն ժողովրդի խնդիրներից պետք է խոսի․․․ Գնալով Ազգային ժողովն էլ ավելի է արժեզրկվում։ Ընդդիմությունը չպետք է գար ԱԺ, որովհետև իրենց գալով լեգիտիմացվեց այսօրվա ոչ լեգիտիմ ԱԺ-ն, ինչու ոչ լեգիտիմ, որովհետև գիտենք, թե ինչպիսի խաբկանքներով, ռեպրեսիաներով ու մանիպուլյացիաներով հավաքեցին ձայներ․․․ Սրանց նպատակն առաջին հերթին ժողովրդին արմատներից պոկելն է․․․ Արման Եղոյան, Մարիա Կարապետյան․․․ Իրենք ոչ անցյալ ունեն, ոչ էլ ինչ-որ բան են արել, բայց Դավիթ Ղազինյանին ասում են՝ դու ո՞վ ես․․․Ղազինյաններիի ընտանիքը վերջին 70 տարվա մեջ հսկայական գործունեություն է ծավալել, բա դո՞ւք ինչ եք արել, ա՛յ դուրսպրծուկներ, եկել եք, միանգամից իշխանություն եք ստացել․․․»,- ասաց Ասլանյանը։