ԱՊՊԱ գործակալի ուշացման պատճառով կիլոմետրանոց խցանում է Երևան-Արմավիր ճանապարհին

Արդեն 1 ժամից ավելի է՝ Երևան-Արմավիր ավտոճանապարհի Մեծամոր քաղաքի վարչական տարածքում՝ գլխավոր մայրուղում, ստեղծվել է 2-3 կիլոմետրանոց խցանում։ Այս մասին հայտնում է ֆոտոլրագրող Գագիկ Շամշյանը։

Այսօր՝ օգոստոսի 19-ին, նշված ճանապարհին տեղի են ունեցել 2 ճանապարհատրանսպորտային պատահարներ։ Առաջին պատահարի հետևանքով կան տուժածներ, իսկ երկրորդ պատահարի հետևանքով բարեբախտաբար տուժածներ չկան, սակայն պարեկները սպասում են, մինչև կժամանեն ապահովագրական ընկերության ներկայացուցիչները, քանի որ վրացական համարանիշներով բեռնատարի և «Toyota»-ի բախման հետևանքով «Toyota»-ի վարորդը պահանջում է ԱՊՊԱ գործակալին, որի երկարատև ուշացումն էլ դարձել է կարևոր մայրուղու խցանման պատճառ: