Նավը, որի անձնակազմի անդամներն ադրբեջանցիներ են, հարձակման է ենթարկվել Սև ծովում

«Ազով Շիփինգ» ընկերությանը պատկանող «Վոլգո Բալտ 226» բեռնատար նավը Սև ծովում ենթարկվել է անօդաչու թռչող սարքի հարձակման: Այս մասին հայտնել է «Օգնություն Ադրբեջանի ծովայիններին» հասարակական կազմակերպությունը։

Նավը, որի անձնակազմը կազմված է ադրբեջանցի նավաստիներից, այժմ ուղևորվում է դեպի Թուրքիայի Տրապիզոնի նավահանգիստ: Հարձակման հետևանքով զոհեր չկան: