«Տպավորություն է, թե Երևանն ու Մոսկվան պայմանավորվել են միմյանց ծառայեցնել որպես բռնցքամարտի տանձիկ»․ Հակոբ Բադալյան

Քաղաքական մեկնաբան Հակոբ Բադալյանի թելեգրամյան գրառումը. «Տպավորություն է, թե Երեւանն ու Մոսկվան պայմանավորվել են միմյանց ծառայեցնել որպես բռնցքամարտի տանձիկ։ Այս փոխադարձությունն այնքան պարզ է իր տեսանելիությամբ, որ խիստ կասկածելի է իր առերեւույթ տրամաբանության հարցում։
Շատ դեպքերում այս արձանագրումն ընկալվում է իբրեւ «թատրոնի» արձանագրում։ Բայց չէ՞ որ քաղաքականությունն ինչ-որ իմաստով համահունչ է թատրոնին՝ իր բեմով ու հետնաբեմով, եւ հետեւաբար այստեղ չկա տարօրինակ կամ անոմալ ոչինչ։ Պարզապես, տարբերությունը, թերեւս, այն է, որ թատրոնում բեմի վրա խաղարկվում է մի սցենար, իսկ ահա քաղաքական բեմում հատվում են մի շարք սցենարներ, այն էլ՝ նույն դերակատարների մասնակցությամբ։ Եվ կան սցենարներ, որոնք պարզապես հանդիսատեսի համար են, ու անպիսիք, որ իբրեւ սպառվող ապրանք այնքան էլ լիկվիդային չեն, բայց հնարավոր է առաջ մղել անհրաժեշտ փաթեթավորմամբ»։