Կասպից ծովի հյուսիսային մասում սկսել են ի հայտ գալ նոր կղզիներ

Ըստ ղազախական «Caspian Holiday» տուրիստական ​​ընկերության հիմնադիր Երբոլատ Մուխաշովի՝ Կասպից ծովի հյուսիսային մասում նոր ցամաքային զանգվածներ են սկսել ի հայտ գալ ջրերի հետքաշման հետևանքով։

Մուխաշովը Ռիբաչի կղզին անվանում է այդ նոր ձևավորված ցամաքային զանգվածներից մեկը. «Նոր կղզին գտնվում է Սվյատոյ կղզուց մոտավորապես 500 մետր արևելք և Բաուտինո գյուղից (Ղազախստանի Մանգիստաուի շրջան) մոտավորապես 30 կիլոմետր հեռավորության վրա»։ Նա տեղական Lada.kz պորտալին ասել է, որ այս կղզիների ափամերձ ջրերում ապրում են ձկներ և թռչուններ, իսկ ցամաքում կարելի է հանդիպել գայլերի, վայրի խոզերի և գորշուկների։

Մուխաշովի խոսքով՝ կղզի արդեն այցելել են և այն ունի «զարմանալի և գեղատեսիլ բնություն»։

Ռիբաչի կղզու ձևավորման ճշգրիտ ամսաթիվը անհայտ է։ Անցյալ ամռանը Ռուսաստանի գիտությունների ակադեմիայի օվկիանոսագիտության ինստիտուտը հայտնել է Կասպից ծովի մակերեսացման պատճառով Մալի Ժեմչուժնի կղզուց 30 կիլոմետր հարավ-արևմուտք նոր կղզու ի հայտ գալու մասին։ «Ափի չորացումը սկզբում նկատվել է արբանյակային պատկերներում՝ Ռուսաստանի գիտությունների ակադեմիայի օվկիանոսագիտության ինստիտուտի Կասպիական մասնաճյուղի աշխատակիցների կողմից 2024 թվականի նոյեմբերին, սակայն կղզու գոյությունը վիճելի էր մինչև վերջերս։ Հայտնաբերված կղզին ձևավորվել է Կասպից ծովի մակարդակի անկման և Միջին Ժեմչուժնայա ափի ի հայտ գալու հետևանքով», - այդ ժամանակ բացատրել են ռուս գիտնականները։