ԱՄՆ-ն դեռևս հրաման չի տվել երկու էսկադրային ականակիրները վերադարձնելու վերաբերյալ

MS Now հեռուստաալիքի փոխանցմամբ՝ ամերիկյան «Աբրահամ Լինքոլն» ավիակիր խմբի երկու էսկադրային ականակիրները դեռևս հրաման չեն ստացել ԱՄՆ վերադառնալու վերաբերյալ, չնայած ավիակիրի՝ Մերձավոր Արևելքից վերադարձին։

Հեռուստաալիքի փոխանցմամբ՝ Մերձավոր Արևելքում «Աբրահամ Լինքոլն» ավիակիրի ուղեկցման և պաշտպանության համար պատասխանատու «Մերֆի» և «Սփրուանս» ականակիրները դեռևս սպասում են Հավայան կղզիների և Սան Դիեգոյի նավահանգիստներ վերադառնալու հրամաններին։ Միևնույն ժամանակ, հարվածային խմբի երրորդ ականակիրը՝ «Փեթերսենը», որը անցյալ տարվա վերջից ուղեկցում է ավիակիրին, արդեն իսկ ճանապարհին է դեպի Հավայան կղզիներ։

ԱՄՆ-ի 7-րդ նավատորմի խոսնակը հեռուստաալիքին հայտնել է, որ «Աբրահամ Լինքոլն» հարվածային խմբի կազմը անընդհատ փոփոխվում է՝ ելնելով առաքելության պահանջներից»։ MS Now-ի փոխանցմամբ՝ ականակիրի տեղակայման սովորական տևողությունը յոթ ամիս է։

Օգոստոսի սկզբին ԱՄՆ-ի նախագահ Դոնալդ Թրամփը հաստատել է «Աբրահամ Լինքոլն» ավիակիրի վերադարձը Մերձավոր Արևելքից՝ որպես ուժերի պլանավորված ռոտացիայի մաս։ Նա նաև հերքել է այն պնդումները, որ ավիակիրի առաքելությունը չափազանց երկարաձգվել է։ «Միլիտարի Թայմս»-ը նախկինում հաղորդել էր, որ «Աբրահամ Լինքոլն» նավի վրա գտնվող մի քանի նավաստիներ ինքնասպանության փորձ են կատարել: Նավաստիների հուզական անկայունության պատճառներից նշվել են աշխատանքային չափազանց ծանրաբեռնվածությունը, հյուծվածությունը և դեպրեսիան: Ավելի ուշ MS Now հեռուստաալիքը հաղորդել էր, որ նավակրի՝ ծովում երկարատև մնալը հանգեցրել է օդորակման, զուգարանների և տաք ջրի հետ կապված խնդիրների, ինչպես նաև կարող էր ազդել ինքնաթիռի մեկնարկի և վերականգնման սարքավորումների վրա: