Մեքսիկական ծոցի վերանվանումից հետո Թրամփն այսօր վերանվանեց Օնտարիո լիճը

ԱՄՆ-ի նախագահ Դոնալդ Թրամփը պաշտոնապես հայտարարել է ԱՄՆ-Կանադա սահմանին գտնվող Օնտարիո լճի՝ Ամերիկա լիճ վերանվանելու մասին։ Համապատասխան գործադիր հրամանագիրը նա ստորագրել է հինգշաբթի՝ օգոստոսի 27-ին:

Անվանումը կփոխվի ԱՄՆ-ի աշխարհագրական անվանումների համակարգում։ Նա չի կարող ստիպել Կանադային հետևել այս անվանակարգին։

Ամերիկացի առաջնորդը լճի վերանվանման իր ծրագրերի մասին հայտարարել է այս շաբաթվա սկզբին իր սոցիալական ցանցերում։ Նա գրել է, որ Վաշինգթոնը «լուրջորեն քննարկում է» նման քայլը, քանի որ «չի սպասում Կանադայից հետագա ակտիվ համագործակցություն»։

Հինգշաբթի օրը Սպիտակ տանը լրագրողների հետ զրույցում Թրամփը կրկին ընդգծել է, որ Կանադան դարձել է ԱՄՆ-ի «ամենավատ» առևտրային գործընկերը։ Լճի վերանվանումը տեղի է ունեցել երկու հարևան երկրների միջև առևտրային պատերազմի սրման ֆոնին. նրանք չեն կարողացել համաձայնության գալ առևտրային գործարքի շուրջ, նախ Վաշինգթոնը սահմանել է մաքսատուրքեր, որին հաջորդել է Օտտավայի հակադարձ քայլը։

Միացյալ Նահանգների և Կանադայի միջև պաշտոնական սահմանը անցնում է Օնտարիո լճի հյուսիսային և հարավային ափերի միջև ընկած ջրերի երկայնքով։ Ըստ ամենատարածված տեսություններից մեկի՝ դրա անվանումը ծագում է հյուսիսամերիկյան հնդկացիների ցեղի լեզվից և նշանակում է «Փրփրուն ջրերի լիճ»։

Նմանապես, Թրամփի վարչակազմն արդեն վերանվանել է Մեքսիկական ծոցը՝ այն անվանելով Ամերիկյան ծոց։