«24 ժամից ավելի է՝ Գագիկ Խաչատրյանը չի սնվել»․ Երեմ Սարգսյան

«Երեկ Գագիկ Խաչատրյանը մինչև ժամը գիշերվա 3-4-ը գտնվել է դատարանում՝ պատգարակի վրա պառկած՝ շտապօգնության մեքենայի աշխատակիցների ուղեկցությամբ։ Մի քանի անգամ միջնորդել ենք, որպեսզի նրան տեղափոխեն բժշկական հաստատություն, որովհետև առավոտյան 7։30-ից նա ոչ հնարավորություն ուներ սնվելու, ոչ էլ իր բանական կարիքները հոգալու»,- այսօր հրավիրված ասուլիսի ժամանակ հայտարարել է Գագիկ Խաչատրյանի փաստաբան Երեմ Սարգսյանը։

«Խաչատրյանը հաշմանդամության կարգ ունի՝ հենաշարժական համակարգի հետ կապված, և մշտական խնամքի կարիք ունի, որից ինքը զրկված էր։ Քիչ առաջ փորձեցի նրան տեսակցել ՔԿՀ-ում, հնարավորություն չեղավ նրան ուղեկցել ինձ մոտ, ցավերի մեջ էր։ Պարզվեց, որ մինչև հիմա չի սնվել, այսինքն 24 ժամից ավել է որևէ կերպ չի սնվել, իսկ նրա դեղորայքն ընդունելու համար սնվել է պետք»,- նշեց փաստաբանը։