«Այսինքն՝ գործարարները պիտի մտածեն, որ հանկարծ քո ու աղջիկներիդ ներվերի վրա չազդե՞ն»․ Էդգար Ղազարյան

Նիկոլ Փաշինյանը երեկ ճեպազրույցի ժամանակ զայրացավ, երբ ասացին «ձեր սրտի օլիգարխ» և հակադարձեց՝ նշելով․ «Ես սրտի օլիգարխ չունեմ, և եթե Հայաստանի տնտեսական դաշտում կա մեկը, ով ինձ և մեր ընտանիքին նյարդայնացնում է, դա Նարեկ Նալբանդյանն է»։ «Հայելի»-ի ակումբում անդրադառնալով այս դիտարկմանը՝ «Ուժեղ Հայաստան» խմբակցության պատգամավոր Էդգար Ղազարյանը նշեց․ «Սիրտ ունի՞, որ սրտի օլիգարխ էլ ունենա։ Ասում ա՝ մեր ընտանիքին նա ներվայնացնում ա․ նախ ո՞ւր ա քեզ ընտանիք, որ ասում ես՝ մեր ընտանիք, ո՞ւմ նկատի ունես, Աշոտիկը դրա մեջ մտնո՞ւմ ա, թե՞ չէ։ Եթե մտնում ա՝ Նարեկ Նալբանդյանն Աշոտիկին որտե՞ղ ա ներվայնացրել, եթե Աշոտիկը չի մտնում, ինչի՞ չի մտնում, օրենքով պետական պահպանության օբյեկտ ա։ Եթե Աննան ա մտնում, ո՞ր օրվա դրությամբ, որովհետև մի օր կար, գնաց, մի օր հետ եկավ, պարզվեց, որ իսկի պսակված չեք եղել․․․ խառը պատմություն»։
«Կամ ի՞նչ ա նշանակում՝ իմ ներվերի վրա գործարարն ազդում ա, արդեն իրավապահներին ասել եմ, որ վարույթներ սկսեն, գնան ուսումնասիրեն։ Այսինքն, մնացած բոլոր գործարարները պիտի մտածեն, որ հանկարծ քո ու աղջիկներիդ ներվերի վրա չազդե՞ն։ Կարո՞ղ ա Շուշանը մի հատ կաֆեից կապուչինո է առնում, սառն ա լինում, ներվերի վրա ազդում է, նշանակում է՝ պիտի գան, կաֆեն փակեն»,- նշել է Ղազարյանը։