«Եթե վստահ եք, որ այդ մեղադրանք կոչվածը հնարովի չէ, բաց դատավարություն արեք»․ Մանուկ Սուքիասյան

«Եթե դուք վստահ եք, եթե դուք թափանցիկ եք, եթե դուք գիտեք, որ այդ մեղադրանք կոչվածը հնարովի չէ, փուչիկ չէ, քաղաքական պատվեր չէ, արեք բաց դատավարություն, մենք պատրաստ ենք դրան»,- այսօր ԲԴԽ դիմաց «Մայր Հայաստան»-ի ակցիայի ժամանակ ասաց կուսակցության անդամ Մանուկ Սուքիասյանը։ «Բուն դատավարությունը պետք է տեղի ունենա բաց, հրապարակային, հանրության համար հասանելի, որովհետև մայիսից երկրի քաղաքական իշխանության շուրթերով սահմանվել է մեղադրանք, որը նախաքննության փուլում ու դատարան ուղարկված գործի մեջ արդեն իսկ փլվել է․ հավաքագրում չկա, 623 հազար դոլարի ստացում չկա ու այդպես շարունակ, չկա՛, չկա՛, հերքվել է այդ ամենը»,- նշեց Սուքիասյանը և շարունակեց․ «Պահանջում ենք նաև, որպեսզի Անդրանիկ Թևանյանի և Արեգնազ Մանուկյանի խափանման միջոցները փոխվեն՝ ազատազրկման հետ կապ չունեցող խափանման միջոցով՝ ընդհուպ մինչև առհասարակ խափանման միջոցի վերացում»։