«Եղանակային առումով ունենալու ենք շատ հաճելի շաբաթ»․ Գագիկ Սուրենյան

Հանրապետության գլխավոր հիդրոօդերևութաբան Գագիկ Սուրենյանը ֆեյսբուքյան իր էջում տեսանյութ է հրապարակել՝ «Եղանակային առումով ունենալու ենք շատ հաճելի շաբաթ» խորագրով։

«Եղանակային առումով այս շաբաթ բավականին խաղաղ է լինելու, որովհետև հիմնականում գտնվելու ենք անտիցիկլոնային դաշտի ազդեցության գոտում։ Սեպտեմբերի 7-ին հետկեսօրյա ժամերին ամպրոպային բնույթի կարճատև անձրևներ կդիտվեն միայն Գեղարքունիքում, Լոռիում, Տավուշում ու Սյունիքում, իսկ սեպտեմբերի 8-ից 13-ն ընկած ժամանակահատվածում Հանրապետության ողջ տարածքում կհաստատվի առանց տեղումների եղանակ։ Օդի ջերմաստիճանը սեպտեմբերի 7-ի լույս 8-ի գիշերը և սեպտեմբերի 8-ի ցերեկը կնվազի 4-6 աստիճանով, բայց սեպտեմբերի 10-ից 12-ն ընկած ժամանակահատվածում աստիճանաբար կբարձրանա 4-6 աստիճանով»։