Ուրբաթ, 30 հոկտեմբերի, 2026 թ.
|
Ստեփանակերտում`   +8 °C

Սիսիանում 6 տարեկան երեխային ապտակած ուսուցչուհին ձերբակալվել է

Սիսիանում 6 տարեկան երեխային ապտակած ուսուցչուհին ձերբակալվել է
943
Ուրբաթ, 09 հոկտեմբերի, 2026 թ., 10:12

ՀՀ ՆԳՆ ոստիկանությունը հայտնում է․ «Հոկտեմբերի 8-ին ՆԳՆ ոստիկանության համայնքային ոստիկանության Սիսիանի բաժնում տեղեկություններ են ստացվել, որ հոկտեմբերի 6-ին՝ ժամը 18-ի սահմաններում, Սիսիան քաղաքի բնակարաններից մեկում դասապատրաստման ժամանակ 55-ամյա կինը մի քանի անգամ ապտակել է 6-ամյա տղայի։

Ըստ ստացված տեղեկությունների՝ կատարվածը բջջային հեռախոսով տեսանկարահանել է երեխայի անչափահաս եղբայրը։

Տղայի մայրը հրավիրվել է Համայնքային ոստիկանության Սիսիանի բաժին, որտեղ հրաժարվել է կատարվածի վերաբերյալ հաղորդում տալուց։

Նույն օրը 55-ամյա կինը հայտնաբերվել է իր բնակարանում, ձերբակալվել և տեղափոխվել Սիսիանի բաժին։

Կազմված փաստաթղթերը փոխանցվել են նախաքննական մարմին, նախաձեռնվել է քրեական վարույթ։

Դեպքի հանգամանքները պարզվում են»։

Սիսիանում 6 տարեկան երեխային ապտակած ուսուցչուհին ձերբակալվել է
Աղբյուրը`   ՆԳՆ Ոստիկանություն