«Մենք կաշխատենք դեմոկրատների հետ». Թրամփ

ԱՄՆ նախագահ Դոնալդ Թրամփը հայտարարել է, որ պատրաստ է աշխատել դեմոկրատների հետ։

«Մենք կաշխատենք դեմոկրատների հետ՝ մեր երկրի բարօրության համար։ Սա շատ կարևոր է... Ես չեմ ցանկանում երկու տարի պարզապես նստել և անընդմեջ վետո դնել բոլոր որոշումների վրա»,- ասել է Թրամփը՝ Politico պարբերականին տված հարցազրույցում։

Bloomberg-ի կանխատեսման համաձայն՝ ԱՄՆ Քոնգրեսի միջանկյալ ընտրությունների արդյունքում Դեմոկրատական կուսակցությունը մեծամասնություն կստանա Սենատում՝ վերին պալատում ապահովելով առնվազն 51 մանդատ։