«Ինչպե՞ս եք պատկերացնում Արծվաշենը մի քիչ աջ, մի քիչ ձախ տանելը»․ հարց՝ Սուրեն Թովմասյանին

«Վարչապետը ճեպազրույցի ժամանակ հայտարարել էր, որ Արծվաշենը մի քիչ աջ կտանենք, մի քիչ ձախ կտանենք, մի քիչ առաջ, մի քիչ հետ, կգա կկպնի Հայաստանին․ դուք դա ինչպե՞ս եք պատկերացնում»,- ճեպազրույցի ժամանակ լրագրողը հարց ուղղեց Կադաստրի կոմիտեի ղեկավար Սուրեն Թովմասյանին։ «Չեմ կարող պարզաբանել, որովհետև խոսքը լուծումների մասին է եղել և լուծումների վերաբերյալ պարզաբանումներ հնարավոր կլինի տրամադրել, երբ որևէ լուծում վերջնական, թղթի վրա կառաջարկվի։ Ապագան ցույց կտա, թե դա ինչպես է հնարավոր, ամեն ինչ արվում է թափանցիկ, պարզ, օրենքի տառին համապատասխան և վստահ եմ, որ յուրաքանչյուր լուծում, որը հետագայում կառաջարկվի, կամ կընդունվի, անհնար է տրվի առանց որևէ իրավական կարգավորումների»,- պատասխանեց Թովմասյանը։