«Հայ ցուցարարները հեռացրեցին Ռուսաստանի բարեկամ վարչապետին. Մոսկվան նյարդայնացել է». CNBC

Ամերիկյան CNBC հեռուստաալիքն իր կայքում հոդված է հրապարակել Հայաստանում տեղի ունեցող իրադարձությունների վերաբերյալ:
Հոդվածում ասվում է, որ Ռուսաստանի բարեկամ Սերժ Սարգսյանը երկուշաբթի անսպասելի հրաժարական ներկայացրեց, իսկ ցուցարարները տոնեցին այդ հաղթանակը:
«Նախկին խորհրդային պետությունում, որն ունի մոտ 3 միլիոն բնակչություն և գտնվում է Ասիայի և Եվրոպայի միջև, և՛ տնտեսական, և՛ ռազմական առումով հենվում է Ռուսաստանի վրա: Կառավարությունում փոփոխությունները կարող են հարված հասցնել Ռուսաստանի ազդեցության մակարդակին, մինչդեռ Կրեմլն ուշադիր հետևում է Հայաստանում տեղի ունեցող իրադարձություններին»,- գրում է CNBC-ն:
Ի՞նչ է կատարվում Հայաստանում.
Սերժ Սարգսյանը, ով երկիրը ղեկավարեց 10 տարի, ՌԴ նախագահ Վլադիմիր Պուտինի սերտ դաշնակիցն է, նա հեռացվեց վարչապետի պաշտոնից ընդդիմության առաջնորդ Նիկոլ Փաշինյանի գլխավորած բողոքի ցույցերի արդյունքում:
«Ես սխալ էի: Ես թողնում եմ երկրի ղեկավարի, Հայաստանի վարչապետի պաշտոնը»,- CNBC-ն մեջբերում է Ս. Սարգսյանի խոսքը:
CNBC-ն գրում է նաև, որ վարչապետի ժամանակավոր պաշտոնակատար Կարեն Կարապետյանը հայտարարել է, որ խորհրդարանը պետք է ներկայացնի վարչապետի իր թեկնածուին մեկ շաբաթվա ընթացքում:
Ռուսաստանն ուշադիր հետևում է.
Հեռուստաալիքը նշում է, որ Հայաստանը համարվում է Ռուսաստանի ռազմավարական նշանակություն ունեցող դաշնակից երկիրը, և այն, ինչ կատարվում է Հայաստանում, չի կարող անտարբերության մատնվել Ռուսաստանի կողմից:
«Մոսկվան, անկասկած, նյարդայնացած է և հետևում է, թե ինչ է կատարվում Հայաստանում իր ռազմավարական հովանու ներքո: Պուտինն արհամարհում է այսպես կոչված «գունավոր հեղափոխությունները», երբ մարդիկ բռնազավթում են իշխանությունը»,- ասվում է հոդվածում:
Հայաստանն, ինչպես նշում է ամերիկյան հեռուստաալիքը, ապավինում է Ռուսաստանին՝ որպես ռազմավարական դաշնակից հարևան Ադրբեջանի դեմ Լեռնային Ղարաբաղի հակամարտության կարգավորման համար:
CNBC-ն եզրահանգում է, որ «Մոսկվան վստահում է Կարեն Կարապետյանին, սակայն սցենարի փոփոխության դեպքում Մոսկվան կնյարդայնանա, քանի որ չի վստահում Փաշինյանին»:

«Դիշովի զրույցի թեմա եք բացել․ հերիք ա մարդկանց մեղադրեք չզոհվելու համար»․ Գեղամ Մանուկյանը՝ Նիկոլ Փաշինյանին (տեսանյութ)
3419:00
«Դու արջ քորող ստնտու ես»․ Նիկոլ Փաշինյանը՝ Մեսրոպ Մանուկյանին (տեսանյութ)
5418:42
«Գողին բարերար չփորձեք կոչել․ հեսա փողերը ձեռներիցդ կառնենք, կդառնաք քաղաքական բոմժ»․ Նիկոլ Փաշինյանը՝ ընդդիմադիրներին (տեսանյութ)
5618:36
«Ասում են՝ գյոզալ Ավստրալիան ու Բրազիլիան թողած՝ գնացել են Ադրբեջանի հետ են խաղաղություն հաստատում»․ Նիկոլ Փաշինյան (տեսանյութ)
7618:18
«Նոր սահմանադրության ուղերձը մեկն է՝ մենք փակում ենք կոնֆլիկտների էջը բոլոր ուղղություններով»․ Նիկոլ Փաշինյան (տեսանյութ)
6517:42
Նիկոլ Փաշինյանն ընդունել է Գերմանիայի ԱԳ նախարարի գլխավորած պատվիրակությանը
7117:30
«Հերթով ձեր տեղը գտնում եք ՀՀ ինքնիշխան պետության բանտախցերում», «դուք ինձ սպառնո՞ւմ էիք». իրավիճակը՝ ԱԺ-ում (տեսանյութ)
9617:24
«Ադրբեջանի «վերջին պահանջը» ձևավորվում է Հայաստանում»․ Վահե Հովհաննիսյան
7117:06