Իսրայելը չեղարկել է Հայոց ցեղասպանության ճանաչման գործընթացը

Իսրայելի Քնեսեթը (խորհրդարան) չեղարկել է հունիսի 26-ին նախատեսված՝ Հայոց ցեղասպանության ճանաչման մասին հարցի քննարկումը, հաղորդում է Le Figaro պարբերականը:

Քվեարկության չեղարկման մասին Twitter-ի իր էջում հայտնել է հարցն Իսրայելի խորհրդարանում քվեարկելու հեղինակ, «Մերեց» կուսակցության առաջնորդ Թամար Զանդբերգը:

Նա գրել է, որ կառավարությունն ու կոալիցիան՝ չնայած իրենց խոստումներին, հրաժարվում են ճանաչել Հայոց ցեղասպանությունը:

Հիշեցնենք, որ մայիսի վերջին հայտնի էր դարձել, որ Իսրայելի Քնեսեթում օրակարգից հանվել է Հայոց ցեղասպանության ճանաչման հարցը: