Անցնող շաբաթվա ընթացքում հակառակորդը հրադադարը խախտել է շուրջ 200 անգամ

619

Շաբաթ, 08 սեպտեմբերի, 2018 թ., 15:15

Սեպտեմբերի 2-ից 8-ն ընկած ժամանակահատվածում արցախա-ադրբեջանական հակամարտ զորքերի շփման գոտում հակառակորդը հրադադարի պահպանման ռեժիմը խախտել է շուրջ 200 անգամ, որի ընթացքում, տարբեր տրամաչափի հրաձգային զինատեսակներից, հայ դիրքապահների ուղղությամբ արձակել է ավելի քան 2000 կրակոց:

ՊԲ առաջապահ զորամասերը հիմնականում ձեռնպահ են մնացել պատասխան գործողություններից և շարունակել, վստահորեն, իրականացնել իրենց առջև դրված մարտական խնդիրը: