«Իմ հերոսը ոչ թե ՊՊԾ գունդը գրավողն է, այլ Վանոյանը». Էդուարդ Շարմազանով

«Ողջունում եմ համաներում հայտարարելու գաղափարը, բայց ունեմ վերապահումներ. ՊՊԾ գնդի գրավումը հարձակում էր Հայաստանի Հանրապետության վրա. որևէ տարբերություն չեմ տեսնում ՊՊԾ գնդի գրավման, ՀՀ սահմանի դեմ ոտնձգության կամ Արցախում կանգնած զինվորի վրա հարձակման միջև: ՊՊԾ գնդում զոհված գնդապետ Վանոյանը պաշտպանում էր մեզ. այսօր ի՞նչ աչքերով ենք նայելու նրան ընտանիքին, երբ ՊՊԾ-ն գրավողներին համաներմամբ ազատ ենք արձակում»,- հայտարարեց ԱԺ փոխխոսնակ Էդուարդ Շարմազանովը:

«Իմ հերոսը ոչ թե ՊՊԾ գունդը գրավողն է, այլ Վանոյանը, ով մինչև վերջին պահը ՀՀ շահն է պաշտպանել: Համաներմանը կողմ եմ, ՊՊԾ գունդը գրավողներին համաներում անելուն՝ դեմ»,- եզրափակեց նա:

Նշենք, որ ԱԺ-ն այսօր երկրորդ ընթերցմամբ ու ամբողջությամբ ընդունեց Համաներման մասին նախագիծը: