«Հաշմանդամ դարձած զինվորի տան ջրագիծը կառուցվում է Քուվեյթում ապրող հայուհու նվիրատվության շնորհիվ». Կարեն Հովհաննիսյան

Քրդագետ, ռազմական վերլուծաբան Կարեն Հովհաննիսյանը ֆեյսբուքյան իր էջում գրել է. «Սկսեցինք... Վիրավոր և հաշմանդամ դարձած զինծառայողի ընտանիքն այսքան տարի խմելու մշտական ջուր չուներ, որի մասին ես իմացա պատահական: Ի դեպ, պետք է ասեմ, որ Հայորդին ամեն ամիս իր զինվորական թոշակի քարտից պարտադիր 1000 դրամ փոխանցում է «Հայոց Հզոր Բանակ» ծրագրին: Մի խոսքով, վիրավոր և հաշմանդամ դարձած Հայորդուն աջակցելու համար դիմեցի Քուվեյթում բնակվող չքնաղ Հայուհուն, ով էլ՝ ծանոթանալով իրավիճակին, պատրաստակամություն հայտնեց ֆինանսավորել ջրագծի կառուցմանը:
Տրակտորն արդեն առավոտվանից սկսել է քանդել, Հայորդու ընտանիքի անդամներն էլ բանվորական ուժն է: Վերջին նկարում հեռվում երևացող ծխի մոտից սկսվում է ջրագիծը... Բարի ընթացք բարի գործերին: Եվս մեկ անգամ շնորհակալություն մեր բարերարին...