«Խորացավ անվստահությունն իրավապահ համակարգի նկատմամբ». Ոսկան Սարգսյան

Լրագրող Ոսկան Սարգսյանը ֆեյսբուքյան իր էջում գրել է. «Սերժ Սարգսյանի խնամի Արա Մինասյանին կալանավորելու միջնորդությունը դատարանը մերժեց: Հասարակության մեջ ավելի խորացավ անվստահությունն իրավապահ համակարգի նկատմամբ: Նախաքննության նյութերին անտեղյակ, իրավական գիտելիքներ չունեցող քաղաքացիները չգիտեն՝ ՀԿԳ քննության գլխավոր վարչության քննիչի ներկայացրած միջնորդությունը հիմնազո՞ւրկ էր, թե՞ կալանքի միջնորդությունը քննած դատավորն էր հին, նախահեղափոխական Հայաստանից: Մարդու իրավունքների եվրոպական դատարանի վճիռներով խորհուրդ է տրվում կալանքը՝ որպես խափանման միջոց սակավ դեպքերում կիրառել, քանզի անազատության մեջ գտնվելով՝ քրեական գործով մեղադրյալը զրկվում է իր պաշտպանությունն արդյունավետ իրականացնելու հնարավորություններից: Ես չգիտեմ՝ Հայաստանի քննիչները ոչ արհեստավա՞րժ են, թե՝ դատավորներն՝ անարդա՞ր, միգուցե սա հասարակությանը ներկայացվող ձրի թատրոն է՝ նախապես մշակված սցենարով: Կյանքը ցույց կտա»: