«Արարենք միասին». մեկնարկել է «Հայաստան» համահայկական հիմնադրամի ամենամյա հեռուստամարաթոնը. ՈՒՂԻՂ ՄԻԱՑՈՒՄ

Լոս Անջելեսում մեկնարկեց «Հայաստան» համահայկական հիմնադրամի ամենամյա հեռուստամարաթոնը։ Այս տարի համազգային դրամահավաք-միջոցառման համար ընտրվել է «Արարենք միասին» խորագիրը։

Հիշեցնենք, որ նախորդ տարին «Բերքառատ Արցախ» hեռուստամարաթոնի ընթացքում հավաքվել է 12,505,456 դոլար։

2016 թ. «Իմ Արցախը» խորագրով հեռուստամարաթոնի ժամանակ հավաքվել է 15 մլն 428 հազար 777 դոլար:

«Մեր տունը» խորագրով համահայկական «Հեռուստամարաթոն–2015»-ի ժամանակ հավաքվել էր 10 մլն 378 հազար 465 դոլար, իսկ «Դեպի Արցախ» կարգախոսով «Հեռուստամարաթոն–2014»-ում հավաքվել էր 12 մլն 399 հազար 550 դոլար: