«Գյումրիում անտեր կնոջ սպանության մեջ կասկածվող է բռնվել՝ կրկին ռուսական ռազմաբազայի զինծառայող». Ստյոպա Սաֆարյան

Քաղաքագետ Ստյոպա Սաֆարյանը ֆեյսբուքյան իր էջում գրել է. «Ու չմոռանանք, որ Գյումրիում անտեր կնոջ սպանության մեջ կասկածվող է բռնվել՝ կրկին ռուսական ռազմաբազայի զինծառայող... Ցավալի է տեսնել, որ Սերժ Սարգսյանի պաշտոնավարման ժամանակ Ավետիսյանների ընտանիքի սպանության դեպքում ընդվզում էինք, պահանջում էինք ռազմաբազայի բարդակը վերացնել ու ապահովել գյումրեցիների անվտանգությունը, իսկ այս մի դեպքում՝ երբ իշխանությունը սիրելի է, չտեսնելու ենք տալիս... Չեմ ուզում մտածել, որ ուղղակի մեզ այն ժամանակ հետաքրքրում էր ցանկացած առիթ, այդ թվում այդ սահմռկեցուցիչ սպանությունը Սերժ Սարգսյանի դեմ օգտագործելը և շահարկելը... Ուզում եմ հավատալ, որ մեր պահանջատիրության, իշխանություններից բացատրություն ու ռեակցիա պահանջելու հիմքում մեր հայրենակիցների հանդեպ մեր պարտականությունն էր, ոչ թե իշխանության դեմ ամեն ողբերգություն օգտագործելը: Որքան էլ սպանության բացահայտումը լինի իրավական հարթության խնդիր, կարծում եմ՝ իշխանության հրապարակային գնահատականը պահանջված է... Եթե իհարկե այդքան ինքնիշխանություն ունենք»: