Սփյուռքահայերը նամակ են հղել Նիկոլ Փաշինյանին

456

Երեքշաբթի, 25 դեկտեմբերի, 2018 թ., 13:15

Սփյուռքի նախարարության լուծարման դեմ բողոքող սփյուռքահայերը նամակ են հղել ՀՀ վարչապետի պաշտոնակատար Նիկոլ Փաշինյանին:

«Չենք ցանկանում քաղաքականացնել հարցը: Մենք ժողովրդի ընտրած իշխանությունից սպասելու ենք պատասխանի: Կցանկանայինք մեր ձայնը լսելի դարձնել, այն աշխատանքը, որը 7 տարի արել ենք սփյուռքի նախարարության հետ, կցանկանայինք, որպեսզի վարչապետին էլ տեղեկանա, թե ինչ հսկայական աշխատանք է տարվել»,- ակցիայի ընթացքում ասաց նախարարության լուծարման դեմ բողոքող սփյուռքահայերից մեկը:

Նախարարության աշխատակիցներից մեկն էլ հավելեց, որ նախարարության լուծարման որևէ հիմնավորում, որևէ փաստարկ չկա: «Լուծարումն ունի մի քանի բացասական ազդակ, հաշվի չի առնվել սփյուռքի դիրքորոշումը: Տեսաք սփյուռքահայերին, մեր աջակիցները շատ են: Սփյուռքի նախարարությունը պետք է ոչ միայն շարունակի գործը, այլ նաև հզորանա, և պետք է լրացուցիչ լծակներ հաղորդվի»,- ասաց նա՝ նշելով, որ հայրենադարձ սիրիահայերի, սփյուռքահայերի նամակը փոխանցվել է վարչապետի պաշտոնակատարին: Նախարարության աշխատակցի խոսքով՝ իրենք արձագանքի են սպասում և վաղը կայանալիք քննարկումից հետո հետագա քայլերի մասին կիրազեկեն: