«Փորձել եմ լինել ամենա-ամենա վտանգավոր դիրքերում». «Հայոց հզոր բանակ» ծրագրի 15-րդ փուլի ամփոփում

Ռազմագետ Կարեն Հովհաննիսյանը ֆեյսբուքյան իր էջում ամփոփել է «Հայոց հզոր բանակ» ծրագրի 15-րդ փուլի արդյունքները: Երեկ վաղ առավոտից եղա առաջապահ մի քանի դիրքում: Դիրքերն ընտրել էի բացառապես պատահականության սկզբունքով, փորձել եմ լինել ամենա-ամենա վտանգավոր դիրքերում, այնտեղ, որտեղ իսկապես չէին սպասում քաղաքացիական անձի, այնտեղ, որտեղ չի համարվում, այսպես ասած, «պակազատելնի պոստ»:
Տղերքի ուխախությունն անսահման էր... Բոլորիդ կողմից ջերմ բարևներ, զգոնություն, բարի ծառայութուն եմ մաղթել, շնորհավորել եմ տղերքի գալիք Նոր տարին:
Ընկերներ ջան, ավարտին հասցրեցինք «Հայոց հզոր բանակ» ծրագրի 15-րդ հոբելյանական փուլը: Այս փուլն ամենաընդգրկունն է ծրագրի եռամյա պատմության մեջ: Ծրագրի շրջանակներում եղա ՊՆ և ՊԲ մարտական առաջնագծում, որտեղ հասցրել եմ տանել 5 կմ կաբել, տասնչորս պլանշետ, 14 հատ փովեր բանկ, նույնքան պլանշետի համար չեխոլ, 20 հատ մարտկոց, 20 հատ ռադիոկապ ցածր հաճախականության, 5 ռադիոկապ բարձր հաճախականության, ձեռնոցներ (50 զույգ) , գլխարկներ (15 հատ) , ջրատար-ջրապարկեր, հատուկ նշանակության ձեռնոցներ, հատուկ նշանակության քողարկիչ դիմակներ և այլն:
Երեկ տղերքին նաև Նոր տարվա բաժին եմ տարել բոլորիդ կողմից, միասին սուրճ ենք խմել, երկրին երկրի ամենավտանգավոր դիրքերում խաղաղություն ենք մաղթել, տղերքը իրենց շնորհավորական ուղերձն են հղել բոլորիդ: Վանաձորից, Ապարանից, Սպիտակից, Երևանից, Գավառից, Տաշիրից, Գյումրուց, Արմավիրից, Կապանից, Դիլիջանից (մնացածի բնակավայրերը չեմ հիշում) բարևներ եմ բերել... Մի խոսքով, մեր 18-20 տարեկան տղերքը դուխով են, թասիբով են, երբեք ու երբեք ոչ մի քայլ հետ չնահանջող են, պարզապես մեր բոլորիս ուշադրությունը չէր խանգարի նրանց, որն ավելի կամրապնդի նրանց դուխն ու զգոնությունը...Շնորհակալ եմ բոլոր ընկերներիցս, որ վստահում ու մասնակցում են Հայրենի եզերքը անվտանգ պահող տղերքի անվտանգության և առողջության պայմանների էլ ավելի բարձրացմանն ու բարելավմանը... ՀԱՂԹԵԼՈՒ ԵՆՔ:»