Եկեղեցիներում մատուցվում է Սուրբծննդյան ճրագալույցի պատարագ (տեսանյութ)

Հայ առաքելական եկեղեցին հունվարի 5-ը նշում է որպես Սուրբ ծննդյան ճրագալույցի օր: Եկեղեցական օրն սկսվում է երեկոյան ժամը 17:00-ից, ուստի Սուրբ Ծննդյան տոնն սկսում են նշել հունվարի 5-ի երեկոյան և հունվարի 6-ին:

«Ճրագալույց» անունը ծագել է «ճրագ լուցանել» արտահայտությունից, որ նշանակում է ճրագ վառել, մոմ վառել: Հայ եկեղեցին տարվա մեջ երկու անգամ է երեկոյան Սուրբ Պատարագ մատուցում՝ Սուրբ Ծննդյան և Սուրբ Զատկի ճրագալույցներին: