«Հայտնի է, թե ով է «Չերյոմուխա» զենքից կրակել». Ալեն Սիմոնյան

Մարտի 1-ի զոհերի հիշատակին կազմակերպված երթից առաջ Ազատության հրապարակում լրագրողների հետ զրույցեց Ազգային ժողովի նախագահի տեղակալ Ալեն Սիմոնյանը: Նա խոսեց այն մասին, որ իրենց ներկայացրած օրենսդրական նախաձեռնությամբ Կառավարությանը հնարավորություն և հրամայական է տրվում, որ ստեղծվի համապատասխան հանձնաժողով: Այն հատուցում կտրամադրի «Մարտի 1-ի» տուժածներին և զոհերի հարազատներին: Թե որքան գումարի մասին է խոսքը, Ալեն Սիմոնյանը չհստակեցրեց, միայն նշեց, որ այդ քայլը քաղաքական իմաստ ունի՝ ֆիքսել, որ պետությունը պատասխանատու է:

Ալեն Սիմոնյանը նաև վստահություն հայտնեց, որ «Մարտի 1-ի» զոհերի հիշատակին հուշարձան կկառուցվի:

Նա նաև որոշ մանրամասներ հայտնեց քրեական գործից. «Հայտնի է, թե ով է «Չերյոմուխա» զենքից կրակել և այլն, սակայն ես չեմ ցանկանում քրեական գործի մեջ մտնել»,- ասաց նա: