Դատարանը սանկցիա կիրառեց Շենգավիթի նախկին ոստիկանապետի նկատմամբ

«Սասնա ծռեր» խմբի 10 անդամների գործով դատավոր Մեսրոպ Մակյանն այսօր սանկցիա կիրառեց ամբաստանյալներ Գագիկ Եղիազարյանի, Արեգ Կյուրեղյանի և գործով տուժող, ոստիկանության Շենգավիթի բաժնի նախկին պետ Արամ Հովհաննիսյանի նկատմամբ։

Հիշեցնենք, որ նախորդ նիստին տուժող Հովհաննիսյանի հարցաքննության ժամանակ միջադեպ էր տեղի ունեցել:

Արմեն Բիլյանի փաստաբան Զարուհի Փոստանջյանը միջնորդություն ներկայացրեց դատական նիստը դռնբաց անցկացնել։
Հիշեցնենք նաև, որ նախորդ նիստի ժամանակ «Սասնա ծռեր»-ի համակիրների և տուժողների հարազատների միջև իրարանցում տեղի ունեցավ, ինչի պատճառով էլ դատարանը նման որոշում կայացրեց: